آخر ماكتبت
خيـــــــــــــــــانه
جمعت الشوق لجلك .... حضنته بأجمل عباره ....
عشقتك وحبيتك جمعتك ولميتك ... هويتك وبقلبي خليتك
حفظتك بقلبي وبدمي رويتك ...
سكنتي بصدري وتربعتي على عرشي
واخذتي القلب مني ورحلتي ...
غايبه حتى بوجودك ..
أسألك منك ابي ...رشفه آمل منك ...
حضنتك بوسط قلبي ....بوسط عيني حفظتك ...
رجيتك وترجيتك وللاسف رحلتي بعيد وانتي قريبه ...
اشوفك وما اوصلك ... اكلمك وكأني اجهلك ...
ذبحني صدك .. تعبت من هجرك ...
وانتي معي تركتيني ... وانتي معي جرحتيني ...
وانتي معي قتلتيني
ذاب كل الشوق ... وذابت وروده ...
بأسلوبك خذلتي الحب ....
سبب واحد مقنع مالقيت ...
سبب غيره ماهقيت ... سبب خوفي عليك ماهقيت !!!
... ليش تبيعيني ... تبيعي الحب ...
تبيعي من ارخص حياته من شانك...
تعلق قلبي فيك وهجرتيني .. تركتيني .. قتلتيني ...
ياقو قلبك قدرتي تخونيني !!!!؟
تعبت واتعبني التعب نحل جسمي من صدك القاسي ...
انا كنت عاشق عشق هالكون بوجودك
لاحظي قلت كنت عاشق
واليوم بعد عاشق
واعشق من حس فيني
وملكني ..ترك العالم وحضني
لمني ثم لمني ثم لمني.. وبين ذراعينه ضمني
ياليت كنتي انتي بذاك الزمان اللي مضى
يوم كنتي ومضه بحياته
بس تدري وش اشبهك
مثل شمعه ..أنورت بأول المشوار
وانتهى نورها قبل آخره
ليتني مت قبل فرقاك ..
وليتني ماكنت بيوم في حياتك ياحبيبه
الحقيقه ..ماكنت عندك حبيب
لاتناظري ولاتستغربي هذي الحقيقه
هو اللي يحب يقسى على حبيبه!!؟
والحقيقه إنك تحبي شخص ثاني ..وياقوها من حقيقه
كيف تجرأتي وقلتي له احبك ..وانتي تحبيني
كيف طاوعك قلبك تجرحيني
ليتك صدقتي من اولك لين اخرك
ليتك فتحتي القلب وجرحتي من اولك
بس استمريتي بكذبة خاطرك
ولجل حبي صدقتك وصبرت على ظلمك
وش بقى ياللي كنتي حبيبه
تصدقي
كانت تسابق كتاباتي دموعي
واليوم ماشفت الدمع سال
تدري ليش
لانك ماصرتي حبيبه
هذي الحقيقه
واعذريني كنت قاسي
يمكن تحسي بطعم المر اللي ذقته معك
والهم اللي شفته معك
بس الحقيقه الأكيده
إنك بهاللحظه غريبه
وماكتبته كان يومك حبيبه
وانتهت قصة الحب بيننا
اقصد قصه حبي انا
وحدي انا
انتهينا .. وابتدت قصه جديده
